Stórhýsi Iðnaðarbankans við Lækjargötu 12, reis á árunum 1959-1963. Mitt í þyrpingu húsa í miðborg Reykjavíkur tók stórhýsið sér áberandi stöðu í byrjun sjöunda áratugarins. Byggingin við Lækjargötu 12 sameinaðist aftur jörðinni aðeins um hálfri öld eftir að hún var byggð í lok árs 2017. 

Byggingin stóð auð, líkt og á líkklæðum og beið örlaga sinna og kveðjustundar um langa hríð. Til að varpa ljósi á þessi endalok byggingarinnar og um leið að varpa ljósi á bygginguna, borgina og okkur sjálf sem hluta af henni var byggingin jarðsungin hinn 19. október 2017 – upplýstur jarðsöngur fyrir staka byggingu í sögu borgarinnar og sögu drauma um framtíð. 

Anna María Bogadóttir arkitekt, Berglind María Tómasdóttir tónskáld og Kristín Gunnarsdóttir myndlistarmaður héldu utan um athöfnina.

​

​

Bestu þakkir eru færðar Íslandshóteli, Verkís og Reginn f.h. Almenna byggingafélagsins fyrir þátttöku í kveðjuathöfninni.